"БОЛОВСРОЛЫН МАГАДЛАН ИТГЭМЖЛЭЛ" ЭРХ ЗҮЙН БАРИМТ БИЧГИЙН ЭМХЭТГЭЛ ХЭВЛЭГДЛЭЭ

Боловсролын Магадлан Итгэмжлэх Үндэсний Зөвлөл нь боловсролын сургалтын байгууллага, сургалтын хөтөлбөрийн чанарыг шалгуур, шаардлагын дагуу магадлан итгэмжлэх, чанарын баталгаажуулалтыг удирдлага, арга зүйгээр хангах, мэргэшлийн үндэсний шаталсан бүтцийг эрхлэн хариуцах чиг үүргийг хэрэгжүүлэн ажилладаг.

Улсын Их Хурлаас 2023 оны 07 дугаар сарын 07-ны өдөр баталсан "Боловсролын ерөнхий хууль"-ийн 17 дугаар зүйлийн 17.13, 17.14, 17.15 дахь хэсэгт Боловсролын Магадлан Итгэмжлэх Зөвлөлийн чиг үүргийг тодорхой тусгасан.

Боловсролын багц хуульд нийцүүлэн дүрэм журам, эрх зүйн баримт бичгээ боловсруулан батлуулж "Эрх зүйн баримт бичгийн эмхэтгэл"-ээ бэлтгэн гаргалаа.

Боловсролын Магадлан Итгэмжлэх Зөвлөлийн хувьд боловсролын байгууллага, хөтөлбөрийн чанарт ахиц дэвшил гаргах, мэргэшлийн үндэсний шаталсан бүтцийг цогц байдлаар хэрэгжүүлэх, Үндэсний мэдээллийн төвийн үйл ажиллагаа тогтворжиж боловсролын зэрэг, цол, өөрийн орны болон гадаадын боловсролын тогтолцоо, мэргэшлийг бүс нутаг, олон улсад харилцан хүлээн зөвшөөрөх, конвенцын хэрэгжилтийг хангах, боловсролын чанарыг Олон улсын стандарт шаардлагад нийцүүлэхэд ахиц дэвшил гарна гэдэгт итгэлтэй байна.