Хүүхэд бүрийн зүрхэнд Жонон хар мөнхрөөсэй, түүх соёлоо түүн шиг хайрлаасай. Энэхүү төслийг анх анимэйшн кино хийхээр зорьж, эхлүүлж байлаа. 2016 оны хавар Японд морин хуурч, хөөмийч найз нартайгаа ярилцаж суугаад ингэж шийдсэн юм. 2019 оны 12 сард хорт хавдрын онош сонстлоо хүүхэлдэйн кино хувилбар бодож, хөөцөлдөж явсан. Харин анхны мэс засалд орсны дараагаас тархинд дүрслэгдсэн тэдгээр зүйлийг яаралтай бодит болгоё, зурагт ном болгоё гэж шийдсэн юм. Учир нь хүмүүст хүрэх ёстой, надтай хамт үхэж болохгүй зүйл гэж бодсоных байлаа.

Зохиолын үйл явдал хүрэл зэвсгийн үе буюу 3000 жилийн тэртээх соёл, ахуйн орчинд өрнөнө. Хүрэл зэвсгийн үеийн түүх, соёл нь өнөөдөр тэр бүр нийтэд ил болоогүй, олон нууцыг өөртөө хадгалсаар байгаа тэр чигээрээ домог, туульсын ертөнц тул маш сонирхолтой.Соёлын дархлаа нь үндэстнийхээ түүх, соёлд итгэх итгэл үнэмшил хэр бат Рот байхаас шалтгаалдаг бололтой. Түүх соёлынхоо эхлэлийг аль болох урагш харж, хэр урт настай болохыг нь мэдэх тусам соёлын дархлаа улам бэхжин ёстой. Уг түүхийг Монгол аман зохиолуудаас үндэслэж бичсэн ба эртний Монголчуудын ертөнцийг таньж мэдсэн төсөөллүүд , уламжлалт зан үйл, оюун санааны ертөнцийг нээн харуулахыг зорив.

Жонон хар морь хүүхэд бүрийн сэтгэлд амилан мөнхрөөсэй, тэр хэрээр Монгол өв соёлоо хайрлаасай гэсэн хүслээр үүнийг бүтээв.

Зураач, эх зохиогч Рэнцэнгийн Батцэнгэл.