Францын алдарт шүлэгч , зохиолч , нисгэгч Antoine de Saint – Exupéry /1900-1944 / -ын “Бяцхан Ханхүү ” зохиол Хятад хэл дээр унших боломж олдож байгаад Хятад хэл сурч буй уншигчдын өмнөөс баяртай байна. Алс хол гаригийн бяцхан Ханхүү бардам сарнайтай хэрэлдэж, уур хилэнгээр зугтав. Бяцхан Ханхүү Гаригуудыг тойрон тэнүүчилж явахдаа ихэмсэг Хаан, архичин, ашиг хонжоо хайгч, газарзүйч нэгэнтэй таарав. Хамгийн сүүлд ганцаардал зовлонгоо арилгах хүсэлтэйгээр дэлхийд ирэв. Харин энд тэрээр хачирхалтай үнэгтэй учирсан бөгөөд, хачин сонин зүйлүүд тохиолдох болно. “ Бяцхан Ханхүү ” бол таны хүүхэд насны гэнэн мөрөөдлийг мөнхөд үлдээх сонгодог бүтээл, цаг хугацаа орон зайн хязгаар үгүй гагцхүү хайр л бидний амьдрах хамгийн дээд гүн ухаан, учир шалтгаан гэдгийг сануулдаг.